ඔකොනොමියාකි – お好み焼き
ඔකොනොමියාකි කියන්නෙ ජපන් කෑමක්. රසයි. කොයි වගේ ද කියන්න කිව්වම ලංකාවේ සිට පැමිණ ජපානයේ ඉගෙන ගන්න අයෙක් කිව්වෙ කොත්තු රොටි වගෙයි කියල. මම තාම කොත්තු රොටි කාලා නැති නිසා ඒක කොහොම ද කියන්නෙ දන්නෙ නැහැ.
ඔකොනොමියාකි හොයා ගන්න අවන්හල් ඉදිරියේ ගහලා තියන කෑම පිඟන් පින්තූර දිහා බල බල ගියා. අන්තිමේ දී අවන්හලක් ඇතුලට ගිහින් අතේ තිබ්බ සංචාරක විස්තර කොළයේ පින්තූරය පෙන්නලා මේක ගන්න පුළුවන් දැයි ඇහැව්වා.
අවන්හලේ මනුස්සයා “වේට් ප්ලීස්” -කරුණාකර පොඩ්ඩක් ඉන්න- යැයි ඉංග්රීසියෙන් කියා ඇතුලට දුවගෙන ගිහින් කුස්සියෙ වැඩ කරන තරුණයෙක්ව එක්ක ගෙන ආවා. එයා අපිත් එක්ක පාර පැනලා වමට හැරිලා, දකුණට හැරිලා වංගුවක් පාස් කරලා, කන්දක් නැඟලා පල්ලම බැහැලා ආයෙත් හැරිලා පුංචි කඩයක් ඇතුලට එක්ක ගෙන ගියා. එයාම තමා කඩයේ අයිතිකාරියට කිව්වෙ අපි ඉල්ලන්නෙ මොනවා ද කියල.
ඔකොනොමියාකි අපි කෑවේ හිරෝෂිමා ස්ටයිල් එකට. ඒ කියන්නෙ තට්ටුවෙන් තට්ටුවට එක එක දේවල් එකතු කරලා හදපු විදියෙන්. මුලින් ම පෑන් කේක් වගේ එකක් දාලා ඊට උඩින් තට්ටු වශයෙන් නූඩ්ල්ස්, ගෝවා ගොඩක්, බේකන්, බිත්තර දාලා අන්තිමේ දී ඔකොනොමියාකි සෝස් එකක් යහමින් දානවා. උඩින් ම දැම්මෙ කොළ පාට කුඩු පාර්ස්ලි වර්ගයක්.
ලංකාවේ ද ඔකොනොමියාකි හදන කෙනෙක් ඉන්නවා. එයා ජපන් කෑම දිවා ආහාරයට ගෙදර සිට පිළියෙල කර විකුණන, ජපානයේ කාලයක් වාසය කර තියෙන මගේ යෙහෙළියක්.
කොත්තු රොටී කාලා තියෙන හන්දා ඒ වගේ කියලා හිතාගන්නම්!
පූසා,
ඔව් පූසා ඔයා එහෙම කරන්න. මම රවී කිව්වා වගේ කොත්තු රොටි කොහොම ද කියලා හිතාගන්නම්!
මේක කොත්තු වලට වඩා රස ඇති. අයියෝ ලංකාවට ආව එකේ කොත්තුවක් කාල බලන්න තිබුනෙ.
රාජ්,
ලංකාවට ආවම නෙළුම් අල, දඹල, කොස්, දෙල් එහෙම කන්න ඉඩ තියාගන්න නිසා කොත්තු රොටි වලට ඉඩක් දෙන්න හිතෙන්නෙ නැහැ. ඒවා දාලා හදන කොත්තු රොටී තියෙනවා ද?
ඒව දාන කොත්තු නං නෑ. ඒත් දැන් කොත්තු තියන්නෙ කොස්දෙල් වලටත් උඩින්.:-)
කොත්තු නොකෑ කට…
අංජන,
කියලා වැඩක් නැහැ නේද?
හෙහ්, හෙහ්, දැන් කවුරු හරි ඔයාගෙන් ඇහුවොත් කොත්තු රොටි මොන රහද කියල කිව්වැහැකි බය නැතුව ආ, මේ කොත්තු රොටීද එව්ව මේ..මේ…ඔකොනොමියාකි රහයි කියල
:-
Ravi,
හොඳ උත්තරේ … මම ඒක කරන්නම්!
මං මේ කියන්ඩමයි හිටියෙ හිරෝශිමා ඔකොනොමියකි එකක් කාලා බලන්ඩ කියල. මෙහෙ(ෆුකුශිමා ) ඔකොනොමියකි හදන ස්ටයිල් එක වෙනස්. තට්ටු තට්ටු වෙන වෙනම දාන්නෙ නැතුව ඔක්කොම දේවල් මිශ්ර කරල තමයි තැටියට දාන්නෙ. පස්සෙ උඩින් මයොනිස්, අඔනොරි(කොළ පාට කුඩු පාර්ස්ලි කියල කිව්ව ඒවා )
ඔකොනොමියකි කඩවල්වල තියනව මොන්ජයකි කියල කෑමක්. ඒක නන් ලංකාවෙ කොත්තු වගේම තමයි. ගිය සෙනසුරාදා ඔකොනොමියකි කඩේකට ගිහින් අපි හදාගෙනම කෑවා. ආපහු චාන්ස් එකක් ආවොත් කාල බලන්ඩ.
( ඕක හරියටම ශබ්දකරන්නෙ ඔකොනොමියකි කියල (ඔකොනොමියාකි නෙවේ ). ‘යකි’ කියල ජපන් වලින් කියන්නෙ ‘ග්රිල් කරපු’ කියන එක. )
චමිල,
ආයෙත් චමිල ගොඩක් ස්තූතියි මම හරි ම කැමතියි මේ සටහන් වලට ඔයා වගේ දන්න කියන අය තව වැඩියෙන් තොරතුරු එකතු කරනවාට.
ජපන් වචනය උච්චාරණය දැම්මාටත් ස්තූතියි. අපිට ඉක්මණින් හොයාගන්න බැරි වුනේ වැරදියට කියපු නිසාත් වෙන්නැති!
ජපන් කොත්තු රසයි වගේ..
රූ,
රසයි, ඒත් නිතර කන්න හොඳ නැහැ ගෝවා ගොඩ වැඩි නිසා. ගෝවා වැඩියෙන් ගත්තම අයඩින් එකතුවට බාධාවක් වෙනවත් කියලා අහලා තියෙනවා.
මේ දවස්වල මම ෆුල් ටයිම් කොත්තු බාස් වෙලා ඉන්නෙ . . මුං හදන චපාති බල්ලෙකුටවත් කන්න බෑ (හරියටම ටෙස්ට් කරන්න බැරි උනා, මෙහෙ බල්ලො නැති නිසා) . . . මේ කෑම ජාතියත් වෙලාවක හදල බලන්න ඕනෙ
මං නං මොකුත් කියන්නේ නෑ, මේක ඔබා-මා හෙම දැක්කොත් නං හොඳ කතාවක් කියයි!
කට කට !!
ඕනමැන්ටල් (දුලිප් සිකුරාජපති),
//(හරියටම ටෙස්ට් කරන්න බැරි උනා, මෙහෙ බල්ලො නැති නිසා)// ලංකාවේ නම් හිටියා ඕන තරම් බැරි ද අපනයනය කරන්න?!!!
කොත්තු රොටි නොකෑ කට, උලාපිය මිරිස් ගලකට!
පියදාස සිරිසේන,
මිරිස් ගල් නැති රටක ඉන්න නිසා බේරෙනවා!
ඕකට හිරෝෂීමා පැත්තේ කියන්නේ ‘හිරෝෂීමා පීසා’ කියලා.
praveena,
ඔව් ප්රවීනා මේවා චීස් නැති පිට්සා!!
ඔකොනොමියකි…..:P………….ඒ රටේ කොත්තු….?
N.S.A. Niriella,
මම නෙමෙයිනෙ එහෙම කිව්වෙ ඉතින්, මම වාර්තා කළේ මට කිව්ව දේ.
කොත්තුවක් වගේ තමා පෙනුම නං ..අර ටකට ටකස් සද්දේ දැම්මේ නැද්ද හදනකොට….