අරුණි ශපීරෝ‍ වෙතින්

අද ලෝකෙ ගැන අවබෝධයට කදිම පොත් තුනක්

Posted in Uncategorized by arunishapiro on සැප්තැම්බර් 20, 2012

මේ ප්‍රබන්ධයන් තුන කියවා එහි පණිවිඩය කුමක් දැයි වටහා ගැනීමට හැකිනම් ඒ පාඨකයාට අද ලෝකෙ සිද්ධ වෙන සියල්ල ගැන මනා අවබෝධයක් ලබා ගත හැකියි. අහන තොරතුරු කිසිවකින් විස්මිත වන්නට සිද්ධ නොවේ.

තවත් විදියකින් කිව්වොත් මේ පොත් තුන හරියට ලෝකෙ හඳහන බලන හැටි කියාදෙන පොත් තුනක් වගේ!!!! 😀

ප්ලේටෝගේ ‘මනෝරාජ්‍යය’ මීට කළින් රුඩිකල් අදහසක් ලොවට ඉදිරිපත් කරපු කෘතියක්. සොක්‍රටීස් කියපු දෑ ප්ලේටෝ අතින් සටහන් වෙද්දී, හැමදාම ගෝලයෝ කරන දෙයක් ප්ලේටෝ වෙතින් ද සිද්ධ වෙයි. සොක්‍රටීස් කියපු කාටවත් සත්‍යය කියා දිය නොහැක, සත්‍යය යනු තමා විසින් අවබෝධ කරගත යුත්තක් යන්නට නිසි අවධානයක් දීම ප්ලේටෝ අතින් මඟ හැරෙයි. උතෝපියාවක් හදා ගන්න හැටි ගැන වූ ප්ලේටෝගේ අදහස් එදා පටන් විචාරයෙන් තොරව බහුතර ලෝකයක් නීති ගෙනෙන්නට, අභ්‍යන්තර සැලසුම් හදන්නට, පාලන පද්ධති වෙනස් කරන්නට යොදා ගනිද්දී, තාමත් එහෙම කරද්දී, ඉතිහාසයේ පසු කාලයක බිහිවෙන මේ පොත් තුන පැතිකඩ තුනකින්, මිනිස් ස්වභාවය සහ ලෝක ස්වභාවය සැලකිල්ලට ගෙන, මිනිසාගේ යහපත නාමයෙන් කරන ලෝක රැවටිලි විචාරයට ලක් කරන හැටි දකින්න පුළුවන්. මේ පොත් තුන ලියපු අයට සොක්‍රටීස්ව මතක් වෙන්නැති!!!!

The Mouse That Roared 1955 දී ප්‍රකාශනයට පත් වූවකි. එය ලියන්නේ අයිරිශ් ජාතික Leonard Wibberley විසිනි. මෙහි සිංහල පරිවර්තනය “ගර්ජනය කළ මීයා” මෙතැනින් කියවන්න. මෙය පාලකයන් හා හමුදා බලය පැත්තෙන් ලියැවී ඇති හාස්‍ය රසයෙන් පිරි ප්‍රබන්ධයකි. ඇමෙරිකාවට ‘ගර්ජනය කරන මීයා’ එන්නේ යුරෝපයේ කුඩා දනව්වකින්. කතන්දරය සිංහලෙන් කියවන්නට හැකි නිසා වැඩි විස්තර මෙතැන නොලියමි. අද ඇමෙරිකාවට ‘ගර්ජනය කරන මීයා’ එන්නෙ යුරෝපයෙන් පමණක් නොවේ. එසේම මේ කතන්දරයේ දැක්වෙන විදියට හෙට ලෝකයේ සත්‍යය හමුදා සටන දිග හැරේවි යැයි ප්‍රබන්ධය විශ්වාස කළ නොයුතුයි. මේක හඳහන බලන හැටිනෙ: ඒ කියන්නෙ මේ කතන්දරයෙ දිග හැරෙන සංකල්ප ගවේෂණයෙන් අද සිද්ධි සැලකිල්ලට ගෙන සත්‍ය සොයා යෑම තමන්ගේ කාර්යයක්.

රුසියාවෙන් ඇමෙරිකාවට සංක්‍රමණය වූ අයින් රෑන්ඩ් ලියන “ඇට්ලස් හැකිළුණි” 1957 දී ප්‍රකාශනයට පත් වූවකි. අමා නංගි විසින් සිංහලෙන් පරිවර්තන කොටස් තුනක් ද මවිසින් ඊට එක සටහනක් ද එකතු කර ඇති තැන මෙතැන. එය වෙහෙසන පුද්ගලයා කවුදැයි පරපෝෂිතයා කවුදැයි මනාව පැහැදිලි කරන්නකි. අද ලොව පරපෝෂිතයන් වැඩි වී වෙහෙසෙන පුද්ගලයන් කෙමෙන් අඩු වී යන බව දැක ගන්නටත්, තම නොදැනුවත්කමෙන් ඔවුන් බෝ කර ඇත්තේ තමාම බවත් දැනගන්නට හැකියාව ලැබෙනු ඇත.

‘සාන්තුවරයන්ගේ කඳවුර’ නොහොත් “The Camp of the Saints” 1973 දී ලියන්නේ Jean Raspail නම් ප්‍රංශ නවකතාකරුවා ය. එය ලෝක සංක්‍රමණිකයන් ගැන ලියැවෙන ප්‍රබන්ධයකි. රස්පායෙල්ගේ ප්‍රබන්ධය ඉතා දරුණු හාස්‍ය රසයෙන් වී යැයි විචාරකයන් එදා කිව්වහ. ලෝකයේ අනාගතය ගැන එය නඟන ප්‍රශ්න වලින් එය කියවන කිසිම පාඨකයෙක් වෙනස් නොවී සිටිනු නැතැයි ද ඔවුන් කියූහ. මේ පොත ප්‍රබන්ධයක් වුවත් ඒ ප්‍රබන්ධයේ තේමාව අද සත්‍යයක් වී ඇත. අද සත්‍යය ලෝක තත්වය පිළිබිඹු කරන මේ පොත් තුන ගෙනෙන පැතිකඩ තුනෙන්, වඩාත් ම පැහැදිලිව, වඩාත් ම පහසුවෙන්, අවබෝධ කරගත පැතිකඩ දකින්නට හැකියාව ලැබෙන්නේ මේ පොතෙනි.

ඉහත පොත් තුනෙන් “ගර්ජනය කළ මීයා” ඉතා පහසුවෙන් කියවන්නට හැකියාව ඇති විලාසයෙන් ලියැවුන එකම පොත වෙයි. අයින් රූන්ඩ් ලියූ ප්‍රබන්ධ සියල්ල හා ඇයගේ වෙනත් ලිපි සියල්ලක් ම වාගේ මම කියවා ඇති නිසා ‘ඇට්ලස් හැකිළුණි’ පොත දිගු වුවත්, ලියැවෙන ශෛලිය වෙහෙසකර වුවත්, අයින් රෑන්ඩ් දර්ශනය නොයෙක් විධි වලින් අවබෝධයට මට ඉඩ ලැබිණ. එහෙත් වෙනත් අයින් රෑන්ඩ් කෘති කියවා නැත්තෙකුට වුවත් එයින් පමණක් ලබත හැකි දැනුම සුළුපට නොවේ. මෑත කාලයේ දී ඇමෙරිකන් පුද්ගලික අංශයේ කොම්පැණි රාශියක් අයින් රෑන්ඩ් දර්ශනය එහි ඉහළ නිලධාරීන්ට ඉගැන්වීමට උත්සුක වූහ. පරපෝෂිත බහුතර ඇමෙරිකන් විශ්ව විද්‍යාල හදාරන්නේ නැති මේ පොතේ දර්ශනය කියා දෙන්නට දර්ශන කථිකාචාර්යවරුන්ට ගෙවීම් කරන ලද්දේ පුද්ගලික අංශය වීම පොතේ අදහස අනුව කදිමට බැඳී යන්නකි!!!! රස්පායෙල් ප්‍රංශ බසින් ලියූ පොත නොව මා කියවා ඇත්තේ නෝර්මන් ශපීරෝ ඉංග්‍රීසියට පරිවර්තනය කරන ලද්ද නිසා ප්‍රංශ පොත කියැවීම කොතරම් පහසු දැයි නොදනිමි. එහි ඉංග්‍රීසි පරිවර්තනයේ කතන්දරය රසවත් ලෙසින් ගලාගෙන ගියත් පැරණි වාග් විලාසයත්, දිගු වාක්‍යයන් හා දිගු පරිච්ඡේදයන් නිසාත්, කියවන්නාට වෙහෙසකර බවක් දැනෙයි. නමුත් කතාව අවසානයේ අද ලෝකය ‘සාන්තුවරයන්ගේ කඳවුරක්’ බවට පත් වී අවසන් බව කාලීන ප්‍රවෘත්ති කියවන පාඨකයාට පැහැදිලිව වැටහේ!!!

පොත් තුනම රැඩිකල් අදහස් පිරුණු පොත් තුනකි. මෙහි දී රැඩිකල් යැයි මා කියන්නේ, ඊට කළින් ලොව තිබි අදහස් වලට ප්‍රථම වරට වෙනස් වූ අදහස් වලින් ලියැවුන පොත් තුනක් යන අර්ථයෙනි. ප්ලේටෝ මේ පොත් තුන කියෙව්වා නම් තම “මනෝරාජ්‍යය” නැවත සංශෝධනය කර ලියන්නට හිතනවා නිසැක ය!!!!

Advertisements

9 Responses

Subscribe to comments with RSS.

  1. Chandi said, on සැප්තැම්බර් 20, 2012 at 11:34 පෙ.ව.

    බොහොම ස්තූතියි, මේ පොත් ගැන හැඳින්වීමට. අමාගේ ලිපි කියවන්න ගත්තෙ ලඟකදී. ඈ හඳුනා ගත්තෙත් ඔයාගෙ අඩවියෙන්මයි අරුණි නංගි. දෙන්නාටම ආයෙත් තුති. හොඳ පොතක අගය මනින්නට පුලුවන්ද?

  2. Gold fish said, on සැප්තැම්බර් 20, 2012 at 11:56 පෙ.ව.

    මේ පාර මමත් ගන්න හිතන් ඉන්නේ ටිකක් අමුතු විදියේ පොත් ටිකක්…

    • arunishapiro said, on සැප්තැම්බර් 20, 2012 at 12:00 ප.ව.

      Gold fish,

      ඒවා කියෙව්වට පස්සෙ ලියැවෙන සටහන් වලින් මේ අමුතු ඒවා මොනවා දැයි මාළු ටැංකියෙන් දකින්න හැකිවේවි ද?!!!

  3. ළිහිණි said, on සැප්තැම්බර් 20, 2012 at 12:30 ප.ව.

    දුන්න ඔත්තු වලට ගොඩාක් ස්තුතියි අරුණි අක්කා. ඊයේ පොත් ප්‍රදර්ශණයට ගියත් සෙනඟ ගොඩේ තෙපීගෙන හරි හමන් පොතක් තෝර ගන්න පුළුවන් කමක් තිබුනේ. නෑ. පොතක් අතට අරගෙන කියවන්න ලේසි උනෙත් නෑ සෙනඟ හන්දම..

    ආයේමත් පොත් අර ගන්න යන්න හිතාගෙන ඉන්න වෙලාවෙදි ඒ පොත් ගැන දැනගන්න ලැබුන එක ලොකු දෙයක්

    • arunishapiro said, on සැප්තැම්බර් 20, 2012 at 12:36 ප.ව.

      ළිහිණි,

      මේ පොත් ගන්න පුළුවන් තැනක් දුටුවොත් මටත් කියන්න නංගි. දැනගන්න කැමති අය ගොඩක් ඉන්නවා.

  4. Kevin Perera (@PereraKevin) said, on සැප්තැම්බර් 20, 2012 at 2:03 ප.ව.

    මෙන්න අරුණි තව හොඳ පොතක් නොමිලේම මෙතන කොටන්න
    http://www.manipulism.com/

  5. […] මේ පොත ගැන මම 2012 දී කළ සඳහන මෙතැනින් කියවන්න පුළුවන්. […]


ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: