අරුණි ශපීරෝ‍ වෙතින්

මේ දවස්වල ඊස්මීස් නැතිව ඉන්නෙ

Posted in Uncategorized by arunishapiro on දෙසැම්බර් 10, 2014

ඒ නිසා හැටගැරෑනි වලට කාලය නාස්ති කරන්න අකමැතියි. ඊස්මීස් නැතිව (මොහොතක් විවේක නැතිව) කියන සත්කෝරලේ ජනවහර සහ හැටගැරෑනි (වැදගැම්මකට නැති කතා) කියන සතර කෝරලේ ජනවහර එකතු කරගත්තෙ ජන වහරින් බිඳක් අඩවියෙන්.

දෙන්නා පොඩ්ඩක් කතා කරන්නකො අපිටත් සිංහල අහන්න යැයි ඉල්ලීමක් ළඟක දී ලැබුණ. ඒත් එතැන හිටපු සිංහල දන්න අනිත් එක්කෙනා ඊට අදිමදි බවක් පෙන්නුව. “මේ දවස්වල ඊස්මීස් නැතිව ඉන්නෙ ඒ නිසා හැටගැරෑනි වලට කාලේ නෑ,” කියල ඒ අවස්ථාවේ දී මම කිව්ව නම් අනිවාර්යෙන්ම එයා තක්බීරි වෙලා ඒ කිව්වෙ සිංහලෙන් යැයි විශ්වාස කරන එකකුත් නැහැයි කියල මට හිතුණ.

A Way with Words කියන්නෙ රසවත් රේඩියෝ වැඩ සටහනක්. පැයක කාලයක් පුරා ලෝකය පුරා ඉංග්‍රීසි බස දන්න අය එක්ක ඒ ඒ වහරක සම්භවය, පැරණි කියමන්, පළාතේ බස් වහර, උච්චාරණයේ හැටි පළාත් අනුව වෙනස් වන ආකාර ගැන අල්ලාප සල්ලාප ක්‍රමයෙන් දැන ගන්නට ලැබෙනව. පැරණි භාවිතයන් අගයන අතරේ දී ඔවුන් ඉංග්‍රීසී භාෂාවේ නූතන භාවිතයන් හෑල්ලුවට ලක් කරන්නෙ නැහැ.

Verbalplanet කියන්නෙ භාෂා උගන්වන අයට භාෂා ඉගෙන ගන්න කැමති අය සමඟ එකතු වෙන්න පුළුවන් වෙබ් අඩවියක්. ඒකෙ සිංහල උගන්වන්න කැමති ගුරැවරැ නැත්තෙ සිංහල ඉගෙන ගන්න සිසුන් නැති නිසා ද? නැත්නම් ලංකාවේ අයට මේ වගේ අන්තර්ජාල රස්සාවල් වලින් ආදායමක් උපයද්දී මුදල් අය කරන මාර්ග පහසුකම් (PayPal වැනි) නැති නිසා ද?

සිංහල ඉගෙන ගන්න කැමති විදේශිකයන්ට වොෂිංටන් ඩී.සී. වල සිංහල (භාෂා ලැයිස්තුවක තිබ්බෙ) උගන්වන්න ICLS හි පැයකට ඩොලර් 46 ක් ගන්නවා කියල පත්තරේක ලිපියකින් දැක්ක. ලියාපදිංචි වීමේ ගාස්තුව ඩොලර් 75 ක්. හැබැයි ඒ ගණන් ගෙවලා ඉගෙන ගන්න යන්නෙ නම් ආණ්ඩු පෙරළන කුමන්ත්‍රණ පිටුපස්සෙ ඉන්න CIA අය ද කියල නම් ෂුවර් නැහැ!!!

Facebook සමූහයක් වූ සිංහල වියරණ හා පදරැත්, උග්ගල් අලුත්නුවර සහ ජන වහරින් බිඳක් වැනි අඩවි වලට ගිහින් නොදන්න සිංහල වචන සහ වහර කියවන්න මම කැමතියි.

වැඩිපුර දෙනෙක් ආණ්ඩුවෙන් යමක් කරලා දෙන තෙක් බලාගෙන හිටියට අපි අතර තමන් ප්‍රතිඵල හොයන උත්සාහයන් හි නියැළෙන අයත් ඉන්නව. ඉහත සඳහන් උත්සාහයන් සියල්ලම (තව මම නොදන්නා ඒවා ඕනෑ තරම් ඇති) ඒ ඒ අය පටන් ගත් වෑයම්.

කොළඹ විසූ අපට නුහුරැ ජනවහර එදා “මුවන්පැලැස්ස” තුලින් අහන්නට ලැබුණා ලෙසකින් අනාගතයේ දී අන්තර්ජාල රේඩියෝවකින් ලෝකය පුරා විසින සිටින සිංහල භාෂා ලෝලීන්ට මේ නිතිපතා අහන්නට නොලැබෙන සිංහල පද වහර යොදාගෙන රසවත් කතන්දර නිර්මාණ හෝ වැඩ සටහන් අහන්නට ලැබුනොත් කොහොම ද?

Advertisements

8 Responses

Subscribe to comments with RSS.

  1. රාජ් -රාජ්ගෙ නවාතැන- said, on දෙසැම්බර් 11, 2014 at 12:46 පෙ.ව.

    හොඳ වැඩක්. හැබැයි සීඅයිඒ ගේමක් වෙන්නත් පුළුවන්. 🙂

  2. Pradeep Jayatunga said, on දෙසැම්බර් 11, 2014 at 1:35 පෙ.ව.

    බිල් බ්‍රයිසන්ගේ The Mother Tongue – English And How It Got That Way කියෙව්වද?

  3. Sandya Pri said, on දෙසැම්බර් 11, 2014 at 5:11 පෙ.ව.

    හොඳ අදහසක්. උත්සාහ කරලා බලන්න ඕනෙ. ස්තූතියි.

    • arunishapiro said, on දෙසැම්බර් 13, 2014 at 2:10 ප.ව.

      Sandya Pri,

      සමහර විට කතාවේ අගට පදවහරේ තේරැම් ඇති කොටසකුත් දාන්න වේවි කතාව ගලා යන රසය අඩු නොවෙන්නට. උත්සාහයක් ගන්න කැමති අයෙක් ඉන්නවා යැයි අහන්නට ලැබීමත් සතුටක්!

  4. Balasooriya Lansakara said, on දෙසැම්බර් 12, 2014 at 3:15 පෙ.ව.

    ස්තුතියි අරුනි ඔයාගේ ලිපියට හා ”ජනවහරින් බිදක්’අඩවිය යොමු කිරීමට.


ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: