අරුණි ශපීරෝ‍ වෙතින්

කියුබාවට ඇමෙරිකන් හාල්, රැසියාවේ නෙම්ට්සොව් සහ දළෙයි ලාමාට ලැබෙන චීන ආඥාවක්

Posted in Uncategorized by arunishapiro on මාර්තු 13, 2015

2013 වසරේ දී ඇමෙරිකාවේ නිෂ්පාදනය කරන ලද ඩොලර් මිලියන 350 ක වටිනාකමෙන් යුතු ආහාර ප්‍රමාණයක් කියුබාවට අපනයනය කර ඇත. ඒ 2014 දෙසැම්බර් 17 වැනිදා නව වෙළඳ එකඟතාවයක් ඔබාමා ගෙනෙන්නට පෙරයි. කියුබාව විසින් තෙවැනි රටක බැංකුවක් හරහා ගෙවන මුදල් වලට ඇමෙරිකාව බඩු විකිණීම මේ නව එකඟතාවයෙන් අහෝසි වෙයි. දැන් අතරමැදියෙක් නැතිව මුදල් බැංකු ගිණුමට එන අතරමඟ දී නැවට බඩු පුරවාගෙන ගමන ආරම්භ කළ හැකියි.

කියුබාවට වෙළඳ ද්‍රව්‍ය විකුණන අනිත් අය හා තරඟයට මෙයින් ඇමෙරිකන් නිෂ්පාදකයන්ට අවස්ථාවක් උදාවෙයි. බ්‍රසීලයට සහ වියට්නාමයට වැඩියෙන් කියුබාවට සහල් යවන්නට ඇමෙරිකාවට හැකිවේ යැයි ද, දැනට කියුබාවට ඇමෙරිකන් සහල් අපනයනය නොකළ ද, එම වෙළඳ කොටසෙන් 90% ක ප්‍රමාණයක් අල්ලා ගැනීමට හැකි යැයි ද අපේක්ෂා වේ.

2013 දී කියුබාව විසින් ආනයන කරන ලද ආහාර අතර වැඩිම වැයක් ගියේ, එනම් ඩොලර් මිලියන 140 ක වටිනාකමකින් යුතු වූයේ, අධිශීතල කරන ලද (frozen) කුකුල් මස්. නව රෙගුලාසි නිසා ඩොලර් බිලියන 4.3 ක් දක්වා කියුබාව විසින් අපනයන කරන ආහාරවල වටිනාකම ඉහළ යාවි යැයි වෙළඳපොල සමපේක්ෂකයන් අදහස් දක්වති. ඒ අපනයන අතර කුකුල් මස් වලට අමතරව තිරිඟු, සහල් සහ ලුණු ඉහළම තැනක් ගනු ඇතැයි ද ඔවුන් අපේක්ෂා කරති.

ඒ මෝඩ රැසියානු “විරෝධතා” වෙනුවෙන් ජීවිතය පුදන ලද බොරිස් නෙම්ට්සොව් පෙබරවාරි 27 වැනිදා වයස 55 දී වෙඩි පහරකින් මිය ගියේය. පාලකයෙක් වන්නට බොරිස් යෙල්ට්සින් විසින් පුහුණු කරන ලද වුවත්, දේශපාලන දැක්මක් මිනිස්සු මේ තරම් තදින් අල්ලා ගන්නේ මන්දැයි කිසිදා වටහා නොගත් (ද ඉකොනොමිස්ට් සඟරාව කියන අන්දමට) නෙම්ට්සොව් යනු භෞතික විද්‍යාඥයෙකි. ඔහු කොමියුනිස්ට් නොවීය. යෙල්ට්සින්ගේ උප අගමැති හැටියට පත් ව සිටිය දී පවා කිසිත් උජාරැ පාට් පෙන්වන ලද්දෙක් නොවීය. ඔහුව අත්හැර දමන්නේ යෙල්ට්සින් විසින්මයි. සමාජවාදයට එරෙහි වූවන්ට ඒ ගැන ප්‍රසිද්ධියේ කියන්නට සමාජවාදී රටක ඉඩක් නොලැබෙන බව ඔහුගේ ඝාතනයෙන් පෙනුනත් එවැනි අය සමාජ විරෝධීන් කියා මරා දැමීම කමක් නැතැයි කියන අය රැසියාවේ පමණක් නොව තවත් රටවල ද අඩු නැත.

ඒ අස්සේ දළෙයි ලාමාට පුනරැප්පතිය අවසන් කිරීම තහනම් කරන්නේ චීන සමූහාණ්ඩුවයි!! තමාගේ නැවත උපත්තියක් සිද්ධ නොවන බවට දළෙයි ලාමා කියූ ප්‍රකාශයක් ගැන උරණ වී ඇති චීන සමූහාණ්ඩුව ඔහුට එහෙම තීරණයට හැකියාවක් නැතැයි කියා සිටී. වර්තමාන දළෙයි ලාමා යනු 14 වැනි සියවසේ විසූ භික්ෂුවකගේ 14 වැනි නැවත උප්පත්තිය යැයි ටිබෙටන් බෞද්ධාගමිකයන් අතර පවතින විශ්වාසයකි. පවතින සම්ප්‍රදාය අනුව ඔහු මිය ගියාට පසුව ඊ ළඟ දළෙයි ලාමා කවුදැයි තීරණය වේ. ටිබෙටන් ජනතාවගේ කැමැත්ත අනුව නැවත උප්පත්තියක් සිද්ධ නොවීම ගැන කියන අතරම ඔහු ජීවතුන් අතර සිටිය දී ම ඊ ළඟ දළෙයි ලාමා පත් කිරීමක් ගැනත් ප්‍රසිද්ධියේ කතාබස් කර ඇත. එමෙන්ම, සමහර විට ටිබෙට් වලින් එහා රටක ඉපදේවි යැයි ද කියාත් ඔහු කියා ඇත.

ඒත් එහෙම කරන්න දෙන්න බැහැයි චීන කොමියුනිස්ට් පක්ෂය කියා සිටියි. වාර්ෂික සමුළුවේ දී වාර්ගික සහ ආගමික කටයුතු කමිටුවේ මුලසුන දරන Zhu Weiqun කියන්නේ දළෙයි ලාමා හැටියට ඊ ළඟ පත් කරන්නේ කවුද යන්න චීන සමූහාණ්ඩුවේ තීරණය බවයි.

කාලීන තොරතුරැ දේශපාලන දැක්ම අනුව වාර්තා වීම අද ඊයේ පටන් ගැනුනක් නොවේ. ඒත් කැමති අයට කැමති දේශපාලන දැක්ම අනුව කාලීන තොරතුරැ කියැවීම තෝරාගැනීමේ නිදහස ඇත්තේ ලොව හැම රටකම නොවේ!!!!

Advertisements

3 Responses

Subscribe to comments with RSS.

  1. සාරිකා විචාරනී said, on මාර්තු 14, 2015 at 10:12 පෙ.ව.

    මේ දැනුම අප වගේ තරුණ අයට හරිම ප්‍රෙයා්ජනවත් ස්තුතියි. අරුණි අක්කාට


ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: