අරුණි ශපීරෝ‍ වෙතින්

චායොයැන්ග් රැඟුම් ශාලාවේ චීන කරණම්

Posted in Uncategorized by arunishapiro on සැප්තැම්බර් 15, 2016

img_1552

චීන කරණම් බලන්නට අපි ගියේ සුප්‍රසිද්ධ චයොයැන්ග් රැඟුම් ශාලාවටයි. අපි චීන භාෂාව නොදන්නා නිසාත්, චීන්නු බහුතරය ඉංග්‍රීසි නොදන්නා නිසාත්, ටැක්සියක් කැඳවා ගනිද්දී සංචාරකයන් අනුගමනය කරන සාමාන්‍ය පිළිවෙත අපි ද අනුගමනය කළෙමු. එනම් යා යුතු ස්ථානයේ නම මැන්ඩරින් අකුරු වලින් දැක්වෙන කොටස පරිගණකයෙන් කොපි කරගෙන එය ඔවුන්ට දීමයි.

අයිෆෝන් එකේ ගූගල් මැප් ඇප් එක බෙයිජින් නගරයේ දී ද පාවිච්චියට අපට හැකිවිය. චීන්නුන්ට ද එවැනි සිතියම් ඇප් ඇති බැවින් “පරංගියා කෝට්ටේ ගෙනියන” ගමන් සිද්ධ නොවේ. බෙයිජින් නගරයේ ටැක්සි ගාස්තුව අය කරන්නේ ගමන් කරන සැතපුම් ගණනට අනුව. පළමු කිලෝමීටර් තුනට නගරයේ දී අය කරන්නේ ¥ 13 කි. නගරයේ සුලබ මාර්ග තදබදයක දී එකතැන හිර වී සිටින්නට සිද්ධ වීමෙන් ඒ නිසා ඔවුන්ට දැඩි පාඩු සිද්ධ වේ. ඉතින් වාහනය එකතැන හිර වී සිටින පැතිවල යන්නට අවශ්‍ය නම්, ටැක්සි රියැදුරාට ¥10 ක් වෙනම ගෙවන්නට අවශ්‍යයයි. ටැක්සියට නඟින්නට පෙර එය කතා කරගන්නා දෙයකි. එයට රිසිට් පතක් ලැබෙන්නේ නැත.

චායොයැන්ග් රැඟුම් ශාලාවේ VIP ආසන සඳහා වැඩි මිලක් ගෙවිය යුතුය. ඒවා එවක කොමියුනිස්ට් පක්ෂයේ ඉහළ සාමාජිකයන් සඳහා වෙන් කරන ලද වුවත් අද ඒවායේ අසුන්ගත් බහුතරය විදේශිකයන් වූහ. අබලන් වී ඇති රැඟුම් ශාලාවේ වායුසමීකරණය නොමැත. ආසන පේලි අතර තිබුනේ (එදා උස අඩු චීන්නු සඳහා හදන ලද නිසා වෙන්නැති) ඉතාමත් පටු ඉඩකඩකි. බාස්කට්බෝල් ශූර යාඕ මින්ග්ට නම් කිසිසේත්ම එහි පුටුවක අසුන් ගත නොහැකියි!!!

රැඟුම් පටන් ගන්නට පෙර චීන බසින් ගිය ප්‍රචාරයට තිරයේ වැටුණ ඉංග්‍රීසි පරිවර්තනයන් නිසා හිනාව නවතාගන්නට නොහැකිව මා පුටුවෙන් ඇද නොවැටී බේරුනේ පුදුම වාසනාවකට. උදාහරණයක් හැටියට ලැහැස්ති වෙන්න ‘ෂොකිං’ දර්ශනයක් නරඹන්නට යැයි කියද්දී ඔවුන් එයින් අදහස් කරන්නට ඇත්තේ ‘විස්මයට පත්කරන’ යන්න වෙන්නට ඇති. නගරයේ මෙන්ම ඈත පිටිසර ද ඉංග්‍රීසියට පරිවර්තනය වූ දැන්වීම්වල “ප්‍රවේසමෙන් ලිස්සා වැටෙන්න,” වැනි කියමන් නිතර දකින්නට හැකියාව ලැබිණ. හිල්ටන් හෝටල් කාමරයේ දී දුටු රූපවාහිනියෙන් ප්‍රචාරය වූ ඇමෙරිකන් චිත්‍රපටිවල චීන උපසිරැසි කුමන හාස්‍යයෙන් යුතුවේදැයි අහන්නට මම ඉංග්‍රීසි හුරුපුරුදු චීනෙක් හමුවන තුරු බලා සිටිමි!!!!

චීනයට යන්න පෙර අපේ ගම්පළාතට සර්කස් කණ්ඩායමක් පැමිණියහ. ඒ ඇමෙරිකාවේ ගම් නගරවල සර්කස් දර්ශන දක්වමින් සංචාරය කරන ඉතාලි කොම්පැණියකි. එහි සංදර්ශනයේ යෙදී සිටියේ වෙනිසියුලාව, රැමේනියාව, කියුබාව, වැනි රටවලින් පැමිණි අයයි. ඔවුන්ගේ ප්‍රවාහන වැය, පුහුණුව සහ කැපවීම අනුව නොව ඔවුන් හැර දා පැමිණි රටේ දී උපයාගන්නට හැකිවූවාට වඩා වැඩි ආදායමක් පමණක් ඔවුන් ලබාගන්නා බව ටිකට් පත් ගණන් හැදීමේ දී අනුමානය කළ හැකිවිය. මීට වඩා ආදායමක් වෙනත් රැකියාවකින් උපයාගන්නට හැකියාව ලැබෙද්දී එක්කෝ සර්කස් සහ කරණම් ඉතා දුර්ලභ සංදර්ශන වෙනු ඇත. නැත්නම් ඒවායේ ටිකට් පත් මිල අධික වෙනු ඇත.

img_1551

img_1554

img_1555

4 Responses

Subscribe to comments with RSS.

  1. mppgunasinghe said, on සැප්තැම්බර් 15, 2016 at 8:45 ප.ව.

    වටිනා අත්දැකීම් සම්භාරයක් මේ දිනවල ලබමින් සිටිනවා නේද වසර 40 කට පමණ උඩදී චීන සර්කස් ලංකාවෙදි බලන්න අවස්ථාව ලැබුණා. ඔවුන් අපූරු අන්දමට ශරීර නම්‍යතාව දියුණු කර තිබූ අන්දම අප බලා හිටියේ මහත් පුදුමයෙන්

  2. ravi said, on සැප්තැම්බර් 16, 2016 at 2:35 පෙ.ව.

    චීන සර්කස් ලංකාවට ආවෙ 1979 අවුරුද්දෙ. මාස හයක් වගෙ ලංකාවෙ හිටිය. ලංකාවෙ ප්‍රධාන නගර දහයක වගෙ සංදර්ශන පැවැත්තුවා. කොළඹ සංදර්ශනය තිබ්බෙ හෙන්රි පේද්‍රිස් ක්‍රීඩාංගණයෙ. මම මුලින් ඒක බලල අනුරාධපුරේ තිබ්බ සංදර්ශනයත් බැලුව.

    ස්තූතියි අරුණි රසවත් විස්තරයට…:)

    • arunishapiro said, on සැප්තැම්බර් 16, 2016 at 5:28 පෙ.ව.

      ravi,

      මට නම් මතක සීට් එකේ ගැට්ටෙ විතර වාඩිවෙලා හෙලවෙන්නේ නැතිව කටත් ඇරගෙන චීන සර්ක්ස් බැලුව කියල විතරයි. රවිගේ මොළේ දකුණු පැත්ත රසාස්වාදයෙන් පිරිලා යන්නැති මෙහෙම විස්තර ඔක්කොම මතකයේ පුදුම විදියට රැඳිලා තියෙන්නේ.😀😀😀


ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: