අරුණි ශපීරෝ‍ වෙතින්

රුසියාවේ උද්ඝෝෂණ සහ ඇමෙරිකාවේ වාරණ

Posted in Uncategorized by arunishapiro on පෙබරවාරි 3, 2021

නොවිචොක් නැමති විෂ වායුවෙන් පසුගිය ගිම්හානයේ දී රෝගාතුර වූයේ ඇලෙක්සියි නැවල්නි නැමැත්තාය. ඒ පූටින්ට විරෝධය දක්වන්නට යෑම නිසයි. වංචා සහ දූෂණ වලට එරෙහිව ක්‍රියාකරුවෙක් ලෙසින් සහ “රුසියාවේ අනාගත සඳහා පක්ෂයේ” නායකයා හැටියටත් කටයුතු කරන ඔහු දේශපාලනයට බහින්නට පෙර නීතීඥයෙක්ව සිටියෙකි. නැවල්නි සමාජ මාධ්‍ය වලින් ජනතාව සමඟ සම්බන්ධතාවය පවත්වා ගත් අයෙකි. “යූ ටියුබ්” සහ “ට්විටර්” ඔහුගේ අනුගාමිකයන්ගේ ප්‍රියතම ක්‍රමවේද වෙති. දැන් ඔහුගේ අනුගාමිකයන් විසින් ඊට “ටෙලිග්‍රෑම්” ද එකතු කරගෙන ඇත.

රජයේ දූෂණ ගැන හෙළි කරන්නට යද්දී, හෙළිදරව් කරන්නාගේ වංචා නිසා ඔවුන්ව අත් අඩංගුවට ගැනීම අද ඊයේ යොදා ගත් උපක්‍රමයක් නොවේ. ඉතින් කවුද ඇත්ත කියන්නේ කවුද බොරු කියන්නේ යැයි තෝරා බේරාගත නොහැකිව මිනිස්සු සාමාන්‍යයෙන් පැත්තක් නොගෙන සිටිති. ඒත් රුසියානුවන්ට තව දුරටත් පැත්තකට වී බලාගෙන සිටින්නට නොහැකි කාලය උදා වී ඇති බවක් පෙනී යයි.

විෂ වායුව රෝගාතුර වූ නැවල්නිගේ ජීවිතය බේරාගන්නට ඔහුව ජර්මනියට රැගෙන යන ලදි. ඒත් වෙනත් රටක සිට තමන්ගේ රටේ විප්ලවයක් ගෙන යාමට ජනතාව උසිගැන්විය නොහැක. නැවල්නි නැවතත් රුසියාවට ගියේය. ඒ පසුගිය ජනවාරි 17 වැනිදාය. ඔහුව වහාම අත් අඩංගුවට ගැනිණ.

“පූටින්ට මාලිගාවක්” නමින් නිර්මාණය කරන ලද වාර්තාකරණයක් එම අවස්ථාවේ දී සමාජ මාධ්‍ය හරහා රුසියානු සමාජයට බෙදා හැරිණ. නැවල්නි නිදහස් කළ යුතු යැයි ද, පූටින් අයින් වී ජනාධිපතිවරණයක් පැවැත්විය යුතු යැයි ද, රට පුරා උද්ඝෝෂණ පටන් ගැනුණි.

පෙබරවාරි 2 වැනිදා නිවැල්නිට වසර දෙකහමාරක් දණ්ඩන ජනපදයක සිර දඬුවමක් ගෙවිය යුතු බව තීන්දු කරන ලදි. ඔහු රඳවා ඇති මාට්‍රොස්කායා ටිෂිනා සිරගෙය ඉස්සරහින් ද පෙළපාලි යන්නට රුසියානුවන් සමත් වූ බව කියැවේ.

රුසියාවේ ගම් නගර වලින් ජනතාව පාරට බැස සිටිති. නැවල්නිට දක්වන සහායටත් වැඩියෙන් ඔවුන් පූටින්ට දක්වන විරෝධය ඉස්මතුව පෙනී ගියේය. උද්ඝෝෂණ මැඬලීම සඳහා රට පුරා පන්දාහකට අධික පිරිසක් පොලිස් අත් අඩංගුවේ පසුවෙති. මොස්කව් වලින් පමණක් 1,600 කට වැඩි පිරිසක් අත් අඩංගුවට ගෙන ඇත. ඔවුන් අතරට නැවල්නිගේ භාර්යාව යුලියා නැවල්නායා ද අයත් වන්නීය. සෙන්ට් පීටර්ස්බර්ග් හි 1,150 කට වැඩි පිරිසක් අත් අඩංගුවට පත්ව ඇත.

සමාජ මාධ්‍ය වලින් සෙනඟ කැඳවන ක්‍රමයෙන්, කලින් තෝරාගත් තැනේ පොලිස් නිලධාරීන් බහුලව ඇත්නම් වෙනත් තැනක දී රැස්වන්නට යැයි “ටෙලිග්‍රෑම්” හරහා දැනුම් දීමට ඔවුන් ඉක්මණින් සමත් වෙති.

පෙබරවාරි 6 වැනි ඉරිදා පවත්වන්නට නියමිත සියළු උද්ඝෝෂණ නීති විරෝධී බව පොලීසිය විසින් අනතුරු අඟවා ඇත. ඒවාට සහභාගී වන අයට සිර දඬුවම් ලැබෙන බවත් දන්වා ඇත. නගර තුළ ඇති දුම්රිය ස්ථාන වසා දමා, ක්‍රෙම්ලිනය අසල වීදි අවුරා, අවන්හල් සහ කඩවල් වලට දිගටම වසා තැබිය යුතු බවටත් නියෝග ලැබී ඇත.

ඉතින් සියළු රුසියානුවන් සාමකාමීව ඉරිදාට ගෙදර සිටීවි ද?

නැත්නම් වසර 30 කට ආසන්න කාලයක් බලයේ සිටින පාලකයෙක් බලයෙන් පහ කරන්නට යාවි ද?

ලෝකයේ නිදහස්ම දේශයන් වූ හොංකොං සහ ඇමෙරිකාව තුළ මේ දිනවල නිදහස් අදහස් ප්‍රකාශයට ඉඩකඩ නැති බවත් සඳහන් කළ යුතුයි. ඒ මා වැනි පෞද්ගලික මත දක්වන අයට නොවේ. නිවැල්නි වැනි බලයේ සිටින පාලකයන්ට එරෙහිව පොදු සටන් මෙහෙයවන අයට සහ එවැනි අයගේ අනුගාමිකයන්ටයි.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: